विदर्भ न्यूज एक्सप्रेस
प्रतिनिधी / गडचिरोली (Gadchiroli) : आज सकाळी पोलीस स्टेशन गोडलवही पासून १० कि.मी. अंतरावर असलेल्या छत्तीसगडमधील मोहल्ला- मानपूर जिल्ह्यातील बोधीटोला जवळ माओवाद्याची एक मोठी तुकडी पोलीस दलावर घातपात घडवून आणण्याच्या आणि निष्पाप आदिवासींना मारण्याच्या उद्देशाने तळ ठोकून असल्याची गोपनीय माहितीच्या आधारे सदर परिसरात पोलीस दलाकडून तातडीने शोधमोहीम राबविण्यात आले.
पोलीस दल परिसरात शोध घेत असतांना माओवाद्यांनी त्यांच्यावर अंदाधुंद गोळीबार केला. त्यात पोलीस दलाने प्रत्युत्तर दिले. जवळपास एक तास गोळीबार सुरू होता. त्यानंतर परिसरात झडती घेतली. त्यावेळी एक AK47 आणि एक SLR शस्त्र सह दोन पुरुष माओवादी यांचे मृतदेह सापडले आहेत.
त्यापैकी एक कसनसूर दलमचा उप कमांडर दुर्गेश वट्टी हा २०१९ मध्ये जांभूळखेडा स्फोटाचा मुख्य सूत्रधार होता. ज्यामध्ये गडचिरोली पोलिसांचे १५ पोलीस कर्मचारी शहीद झाले होते.
सदर परिसरात शोधमोहीम सुरू आहे. अशी माहिती पोलसांनी दिली.
