विदर्भ न्यूज एक्सप्रेस
प्रतिनिधी / नागपूर (Nagpur) : अन्न सुरक्षा आणि हल्दीसाठी बाजार संपर्क हा एक दिवसीय कार्यशाळा शहरातील सेंटर प्राईट हॉटेल येथे पार पडली. या कार्यशाळेचे प्रमुख अतिथी राष्ट्रीय हळद मंडळाचे अध्यक्ष पल्ले गंगाधर रेड्डी होते. स्पाइसेस बोर्ड इंडियाच्या सचिव पी. हेमलता, श् एन भवानी, भारतीय वन सेवेचे अधिकारी किशोर मानकर, कृषी विद्यापीठाचे अधिष्ठाता डॉ. पंच, डॉ. मनिष मोंघे, वैज्ञानिक-सी, स्पाइसेस पार्कचे डॉ. भारत गूडदे यावेळी प्रामुख्याने उपस्थित होते.
श्पल्ले गंगाधर रेड्डी यांनी बाजारविकास व गुणवत्ता वृद्धीमध्ये बोर्डच्या धोरणात्मक भूमिकेवर भाष्य केले. त्यांच्या भाषणात रेड्डी यांनी नॅशनल टर्मरिक बोर्डच्या वचनबद्धतेवर भर दिला.
या एक दिवसीय कार्यशाळेत पहिल्या सत्रात हळदीच्या ब्रँडींग आणि मार्केटींग विषयावर डॉ. पंच यांनी मार्गदर्शन केले. दुसऱ्या सत्रात हळदीच्या व्यवस्थापनाबाबत माहिती डॉ. मनिष मोंघे यांनी दिली.
डॉ. ममता धनकुटे यांनी हळदीचे उत्पादन सुधारणा, गुणवत्ता वृद्धी आणि निर्यात वाढ यावर स्पाइसेस बोर्डच्या धोरणात्मक हस्तक्षेपांवर एक उपयुक्त सत्र घेतले.
कार्यशाळेचे उद्घाटन पल्ले गंगाधर रेड्डी व मान्यवरांच्या हस्ते झाले. या कार्यशाळेस कृषी क्षेत्रातील तज्ञ व नागरिक मोठ्या संख्येने उपस्थित होते.
